Դուք ինձ կարա՞ք ասեք՝ կոռումպացված եք, հլը փորձեք. լարված իրավիճակ ԵՊՀ-ի տնտեսագիտական ֆակուլտետում (video)

ԵՊՀ տնտեսագիտության և կառավարման ֆակուլտետում գումարվեց կոլեկտիվի ժողով՝ ֆակուլտետի շուրջ ստեղծված իրավիճակը քննարկելու նպատակով: Հիշեցնենք, որ օրերս tert.am-ին տված հարցազրույցում տնտեսագիտության դոկտոր, պրոֆեսոր Թաթուլ Մանասերյանն ասել էր, որ ֆակուլտետի 20 դասախոսներ դիմել են նախարարություն և հայցել են աջակցություն՝ ԵՊՀ ՏԿ ֆակուլտետում վերականգնելու օրինականությունը և ուսումնական գործընթացի նորմալ ընթացքը՝ դեկանին ապօրինի զբաղեցրած պաշտոնից ազատելու և նոր ընտրություններ կազմակերպելու միջոցով: Ժողովում ելույթով հանդես եկավ Ծառուկյան դաշինքից նախկին պատգամավոր, ԵՊՀ տնտեսագիտական ֆակուլտետի դասախոս Վարդան Բոստանջյանը: Վերջինս իր ելույթում հորդորեց բոլոր դասախոսներին, ովքեր մեղադրել են ողջ կոլեկտիվին կոռումպացված լինելու մեջ, ներողություն խնդրել. «Մեկը ինձ կարո՞ղ է ասել՝ կոռումպացված եմ, հլը փորձեք: Խորհուրդ կտամ՝ Ձեր մեջ ուժ գտնեք ու ներողություն խնդրեք»: Դահլիճից Վարդան Բոստանջյանի խոսքին արձագանքեց դասախոսներից Մ. Մելիքյանը. «Պարոն Բոստանջյան, էդ ինչու՞ չասացիք, որ այսօր շատ դասախոսների ժամերը կրճատել են:Մեկը ես՝ զրո ժամ ունեմ»: Վարդան Բոստանջյանն էլ նշեց, որ ինքը տեղյակ չի եղել: Առավել մանրամասն՝ տեսանյութում.