Թաց ու չորը խառնվել է իրար

Թաց ու չորը խառնվել է իրար ու հարձակումը կատարվում է բոլորի վրա՝ անկախ ամեն ինչից. խորհրդարանում լրագրողների հետ զրույցում նշեց ՀՀԿ-ական պատգամավոր Ալիկ Սարգյանն` անդրադառնալով սոցիալական ցանցերում ՀՀԿ-ականների հասցեին հնչող հայհոյանքներին: «Մի հատ բառ են լսում՝ ՀՀԿ, և միանգամից հարձակվում, կապ չունի դա ով է, իրանից ինչ է ներկայացնում, ոնց է ապրել, դա որևէ նշանակություն չունի։ Հարձակվում են միանգամից՝ «կամանդա ֆաս»-ը հնչում է ու այդ «ֆասի» ժամանակ խաժամուժը հարձակվում է ֆեյսբուքով, ոչ մի դատողություն այս պահին չի կարող նորմալ արձագանք ստանալ, որքան ուզում ես ճիշտ բան ասես», - նշեց նա։ Խոսելով արտահերթ խորհրդարանական ընտրությունների մասին՝ Սարգսյանը խորհուրդ տվեց չշտապել։