ՊՍԺ-ի նախագահը սպառնացել է գնել Ատլետիկոն

Ֆրանսիական ՊՍԺ-ի նախագահ Նասեր Ալ Խելաիֆին Մադրիդի «Ատլետիկոյի» տնօրենին սպառնացել է գնել ակումբը, եթե իսպանացիները փորձեն ձեռք բերել փարիզցիների կիսապաշտպան Տիագո Մոտային: Ինչպես նշում է «El Mundo Deportivo»-ն, 2015 թվականի ամռանը, երբ «Ատլետիկոն» փորձել է վերադարձնել Մոտային, որը 2007-2008 թվականների ընթացքում հանդես է եկել մադրիդյան թիմում, ՊՍԺ-ն չի ցանկացել բաց թողնել նրան: Ալ Խելաիֆին զանգահարել է «հնդիկների» տնօրեն Միգել Անխել Խիլին և սպառնացել, որ կգնի «Ատլետիկոն»: Արդյունքում, իսպանացիները հրաժարվել են Իտալիայի հավաքականի ֆուտբոլիստի տրանսֆերը ձեռք բերելու մտքից, իսկ մի քանի շաբաթ անց Մոտան մինչ 2017 թվականի ամառը ժամկետով նոր պայմանագիր է կնքել ՊՍԺ-ի հետ: