Թուրքիայից արտաքսված ահաբեկիչն ազատ է արձակվել. Էրդողան

Բրյուսելում ահաբեկչություն գործած ահաբեկիչներից մեկը Թուրքիայի իշխանությունների կողմից ձերբակալվել է Գազիանթեփ գավառում` Սիրիայի հետ սահմանին 2015-ի հունիսին և Բելգիա արտաքսվել: Այս մասին հայտարարել է Թուրքիայի նախագահ Ռեջեփ Թայիփ Էրդողանը: «Ահաբեկիչներից մեկը, ով ահաբեկչություն է իրականացրել Բրյուսելում, մենք Գազիանթեփում ձերբակալել ենք անցյալ տարվա հունիսին և Բելգիա արտաքսել, ինչի մասին 2015-ի հուլիսի 14-ին նոտա ենք փոխանցել Բելգիայի դեսպանատուն: Բելգիացիները նրան բաց են թողել: Չնայած մեր նախազգուշացումներին այն մասին, որ այդ մարդը կապեր ունի օտարերկրյա ահաբեկիչների հետ` Բելգիան չկարողացավ նման կապ գտնել»,- ասել է Էրդողանը: