Նիկոլ Փաշինյանի սարսափը արտաքին հարվածից

Վարչապետ Նիկոլ Փաշինյանը  լրագրողների հետ զրույցում անդրադարձել է նաեւ Երեւանի ավագանու ընտրությունների քարոզարշավի մթնոլորտին, պատասխանելով հարցին, թե արդյոք քարոզարշավի օրերն անցան սիրո և համերաշխության մթնոլորտում, ՀՀ վարչապետը պատասխանել է. «Նորմալ է, ցանկացած ժողովրդավարական երկրում քարոզչության ժամանակ կրքեր են բորբոքվում, բանավեճեր են լինում, կարևորն այն է, որ մենք բոլորս օրինականության սահմաններում ենք մնացել»։ Նա ասել է, թե տեղյակ է, որ «Բարգավաճ Հայաստան» կուսակցության քաղաքապետի թեկնածուն մտահոգություններ է արտահայտել համացանցում իր հասցեին հնչած վիրավորանքների կապակցությամբ։«Ես ուզում եմ լիարժեք զորակցություն հայտնել նրան և ասել, իսկապես, անթույլատրելի է, որ ընդհանրապես ՀՀ քաղաքացին ՀՀ քաղաքացու հետ հարբերվի վիրավորանքներով, իհարկե, լինում է, որ նյարդերը տեղի են տալիս, բայց մենք պետք է ամեն ինչ անենք փոխադարձ հարգանքը պահելու համար», — ընդգծեց ՀՀ վարչապետը։Փաշինյանի խոստովանությունն ու զորակցությունը այսքան զվարճալի չէր լինի, եթե չտեսնեինք, թե ինչ է կատարվել այս զորակցության նախորդող օրերին։ Նախ , առաջինը վարչապետն ինքն անձամբ սկսեց թեկնածուների եւ քաղաքական ուժերի նկատմամբ սեւ քարոզչությունը՝ ուղղորդելով իր համակիր զանգվածների նրանց ուղղությամբ։ Սկզբում վարչապետի «սեւերի ու սպիտակների» մասին տարանջատումը, ապա գործընկերներին «քուչեքում ու ռեստորաններում ՀՀԿ-ի հետ բանակցելու եւ հակահեղափոխություն պլանավորելու » մասին մեղադրանքները եւ ընդհանրապես նրանց ծեփելում փշրելու-պատերին տալու, ասֆալտներին փռելու վարչապետի անհագուրդ սպառնալիքները Հայաստանում ձեւավորեցին ատելության մի մթնոլորտ, որտեղ հեղափոխական զանգվածներին այլ բան չէր մնում, քան կուռքի հետեւից գնալ զոհի ուղղությամբ։ Եւ շարքային քաղաքացիների վիրավորանքներն ու հայհոյանքները բավական չէին, այդ գործին լծվեցին պետական պաշտոնյաները, որոնք համացանցում տեռոր սկսեցին կոնկրետ Նաիրա Զոհրաբյանի դեմ։ Մենք գրել էինք, որ կառավարության պատասխանատու պաշտոնյաներ են համակարգում ֆեյքային հարձակման գործընթացը՝ առաջին փոխվարչապետ Արարատ Միրզոյան, փոխվարչապետ Տիգրան Ավինյան եւ վարչապետի օգնական Արեն Մկրտչյան, եւ ավելին, ունենք տեղեկություններ, որ երբ այս պաշտոնյաները թերացել են որեւէ մեկին վիրավորելու եւ ծաղրելու գործում, անձամբ Փաշինյանի կոշտ դիտողությանն են արժանացել։ Նաիրա Զոհրաբյանը այս ամենը հատ առ հատ հավաքել է, մի մեծ կապոց ու փոխանցել Եվրոպական կառույցներին։ Նա նաեւ Մարդու իրավունքների պաշտպան Արման Թաթոյանին է հանձնել իր դեմ վիրավորանքների ապացույցները եւ տեղեկացանք, որ վերջինս դիմել է իրավապահ մարմիններին, մասնավորապես գլխավոր դատախազությանը։«Ըստ հաղորդման՝ նշված գրառումներ իրականացնող անձանց թվում են նաև պետական առանձին կառույցների աշխատակիցներ, որոնց որոշ գրառումները, Նաիրա Զոհրաբյանի համոզմամբ, պարունակում են ՀՀ քրեական օրենսգրքով նախատեսված արարքների հատկանիշներ»,- ասված է ՄԻՊ աշխատակազմի հանրային կապերի բաժնի տարածած հաղորդագրությունում: Նաիրա Զոհրաբյանի տրամադրած նյութերն ուղարկվել են ՀՀ գլխավոր դատախազություն՝ ստուգում իրականացնելու և համապատասխան վարույթ նախաձեռնելու հարցը լուծելու նպատալով: ։ Այսինքն, երբ իրավիճակը ամբողջովին սպառնում է պայթունավտանգ դառնալ, մեկ էլ հանկարծ հայտնվում է Նիկոլ Փաշինյանն ո ւզորակցություն հայտնում։ Բացի նրանից, որ քարոզարշավի վերջին օրը դա քարոզչական տեխնոլոգիա կարող է լինել, սա մյուս կողմից նշանակում է, որ Փաշինյանը նաեւ «քցում» է սեփական թիմին, ում հանձնարարել էր գրոհել մրցակից թեկնածուի նկատմամբ։ Իսկ զորակցության մասին հայտարարության միակ պատճառը, անշուշտ, միջազգային հանրությունից սպասվող արձագանքն է, որը ավելին է լինելու, քան խայտառակությունը։ Անի Սահակյան