Սիրիայում հաստատվել են ռուսական հատուկ ուժերը
Սիրիայի տարածքում իսկապես տեղակայված է ռուսական հատուկ ուժերի ստորաբաժանում:
Ինտերֆաքսի հաղորդմամբ` այս մասին հայտնել է Սիրիայում ՌԴ զորամիավորման հրամանատար, գեներալ-գնդապետ Ալեքսանդր Դվորնիկովը:
Նա նշել է, որ իրենք լուծում են հատուկ խնդիրներ: Դվորնիկովը շեշտել է, որ նմանատիպ խնդիրներ են իրականացնում նաև ԱՄՆ-ի և այլ երկրների զինված ուժերը: Նա նաև հավելել է, որ ռուս զինվորական խորհրդականներն աջակցում են սիրիացի գործընկերներին` ահաբեկիչների դեմ ռազմական գործողություններ պլանավորելու և իրականացնելու հարցում: Դվորնիկովն ընդգծել է, որ Սիրիայում զինադադարը, ընդհանուր առմամբ, պահպանվում է:
Հետևեք մեզ Viber-ում
