ԵՄ-ն բոյկոտելու է «Ֆեյսբուք»-ը
ԵՄ-ն սպառնացել է, որ «Ֆեյսբուք»-ն իրեն Եվրոպայի օրենքներին համապատասխանեցնելու համար մինչև տարեվերջ ժամանակ ունի և եթե դա տեղի չունենա, բոյկոտի կենթարկվի: Համաձայն «Ռոյտերզ»-ի հաղորդման, Եվրոպայի արդարադատության կոմիսար Վեռա Յուրովան հինգշաբթի օրը մի հաղորդագրությամբ հայտարարել է, որ թեև «Ֆեյսբուք»-ն իրեն վստահեցրել է, որ ամենաուշը մինչև դեկտեմբեր ամիսը փոփոխություն կմտցնի մոլորեցնող ծառայությունների մեջ, այդուհանդերձ այդ կապակցությամբ որևէ քայլ չի ձեռնարկել: Եվրոհանձնաժողովի նախագահ Ժան-Կլոդ Յունկերն անցած շաբաթ ԱՄՆ-ի ինտերնետային ընկերություններին, այդ թվում «Ֆեյսբուք»-ին զգուշացրել էր, որ եթե իրենց օգտատերերի տեղեկությունների բացահայտումը կանխելու և անպարկեշտ բովանդակության կրճատման ու կանխման ուղղությամբ քայլեր չձեռնարկեն, ԵՄ-ի կողմից ծանր տուգանքների են ենթարկվելու: «Ֆեյսբուք»-ի ընդգծմամբ, աշխարհում այդ սոցիալական ցանցի 87 միլիոն օգտատերերի տեղեկությունները ենթակա են հրապարակման:
Հետևեք մեզ Viber-ում
