Ոստիկանությունը գտել է Բրյուսելում ահաբեկչություն կազմակերպած մահապարտի «կտակը»

Բրյուսելի Սքարբեք կոմունայի Մաքս Ռոզ փողոցում կատարված խուզարկությունների ընթացքում ոստիկանությունը հայտնաբերել է «Իբրահիմ էլ Բաքրաուիի կտակը», որը նույնականացվել է որպես Բրյուսելի օդանավակայանում հարձակում գործած մահապարտ-ահաբեկիչներից մեկը: Այս մասին չորեքշաբթի հայտնել է Բելգիայի գլխավոր դատախազ Ֆրեդերիկ վան Լևը: «Նա (էլ Բաքրաուին) գրում է, որ ինքը ստիպված է շտապել ու չգիտի՝ ինչ անել: Որ իրեն ամենուր փնտրում են, և ինքն իրեն անվտանգ չի զգում: Եթե ինքը գտնվի մի վայրում, ենթարկվում է բանտ ընկնելու ռիսկին»,- լրագրողներին պատմել է դատախազը Բրյուսելում մամլո ասուլիսի ժամանակ: