Մարտի 1-ին տուժած Մուշեղ Սաղաթելյանի գործով ՄԻԵԴ-ը վճիռ է հրապարակել. կառավարությունը պարտավորվել է վճարել 20 000 եվրո
Մարդու իրավունքների Եվրոպական դատարանն այսօր հրապարակել է 2008 թվականի մարտի 1-ի իրադարձությունների ժամանակ տուժած Մուշեղ Սաղաթելյանն ընդդեմ Հայաստանի գործով վճիռը։ Այս վճռի վերաբերյալ ՄԻԵԴ-ում տուժողի ներկայացուցիչ, փաստաբան Վահե Գրիգորյանը ֆեյսբուքյան իր էջում գրել է.
«Այլևս ակնհայտ է, որ անցումային արդարադատության գործընթացի նախաձեռնումն այլեւս ոչ միայն ներքին պահանջարկի, այլ նաեւ՝ միջազային իրավունքի թելադրանք է Հայաստանի համար։ Այսօր կայացված վճռով այն փաստացի սկսվում է։ Շնորհավորում եմ բոլորիս այս վճռի կապակցությամբ։ Այն Հայաստանի արդարադատության համակարգի քաղցկեղի բուժման առաջին քայլն է լինելու»։
Այսպիսով, դատարանը գտել է որ Մուշեղ Սաղաթելյանի վերաբերյալ քրեական գործի շրջանակներում խախտվել են Մարդու իրավունքների եվրոպական կոնվենցիայի մի քանի հոդվածներ և այդ պատճառով Հայաստանի կառավարությունը պարտավոր է հայցվորին վճարել 15.600 եվրո՝ որպես բարոյական փոխհատուցում և 5000 եվրո՝ դատական ծախսերի դիմաց։
Հետևեք մեզ Viber-ում
