«Զաքիր Հասանովը և այլ գեներալներ բարձրացել են առաջնագիծ». Աշոտ Ասատրյան

Ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Հայկական բանակի պատժիչ գործողություններից հետո Զաքիր Հասանովը և այլ գեներալներ բարձրացել են առաջնագիծ Վերջին օրերին հայկական երկու բանակների պատժիչ գործողությունների արդյունքում ադրբեջանական բանակում, հատկապես առաջնագծում, լուրջ խնդիրներ են առաջացել, որի արդյունքում Ադրբեջանի նախագահ Իլհամ Ալիևի հրամանով Ադրբեջանի պաշտպանության նախարար Զաքիր Հասանովը և մի շարք ՊՆ բարձրաստիճան պաշտոնյաններ, այդ թվում գեներալներ, բարձրացել են առաջնագիծ, որպեսզի տեղում ծանոթանան իրավիճակին։ Հասանովը այցելել է կոնկրետ այն դիրքերը, որոնց ուղղությամբ կատարվել է պատժիչ գործողություններ ու դրանք մեծ վնասներ են կրել։ Այսինքն Զաքիր Հասանովը այցելել է իր այն դիրքերը, որտեղից խաղաղ բնակչության վրա կրակելու հրամանն արձակել է անձամբ ինքը, սակայն այս անգամ ևս ձախողվել է այդ գործողությունը։ Ընդհանրապես, այն բոլոր ռազմական գործողությունները, որոնք ղեկավարում է անձամբ պաշտպանության նախարար Զաքիր Հասանովը, ավարտվում են ձախողումներով և մեծ կորուստներով, ապացույցներն իրականում շատ են ու դա է Ալիև-Հասանով հարաբերությունների լարված լինելու թերևս ամենագլխավոր պատճառը»։