ՄԱԿ-ի հանձնակատարը մեծ հետաքրքրությամբ է սպասում Քերիի և Լավրովի մոսկովյան հանդիպմանը
ՄԱԿ-ի գլխավոր քարտուղարի՝ Սիրիայի խնդրով հատուկ դեսպանորդ Ստաֆան դե Միստուրան հաստատել է, որ միջսիրիական բանակցությունների ընթացիկ փուլը կշարունակվի մինչև մարտի 24-ը: «Ես մարտի 22-ին հանդիպում կանցկացնեմ Բանակցությունների բարձրագույն կոմիտեի հետ, այնուհետև մարտի 23-ին և մարտի 24-ի առավոտյան նոր հանդիպումներ կկայանան ԲԲԿ-ի և կառավարության պատվիրակության հետ, ինչից հետո կավարտենք միջսիրիական բանակցությունների առաջին փուլը: Մենք մեծ հետաքրքրությամբ ենք սպասում այն բանին, որ Ժնևում միջսիրիական բանակցությունների այս փուլի ավարտի հետ զուգահեռ կկայանա ԱՄՆ-ի պետքարտուղար Ջոն Քերիի այցը Մոսկվա և նրա հանդիպումը Սերգեյ Լավրովի հետ»,- լրագրողներին ասել է միջազգային հանրակցության հանձնակատարը: Ռուսաստանի մայրաքաղաք Քերիի այցը պլանավորված է մարտի 23-24-ին, հաղորդել է ՏԱՍՍ-ը:
Հետևեք մեզ Viber-ում
