Ավազակները վախենում են․ Կարո Փայլանը արձագանքել է օդանավակայանի բանվորներին գիշերով ձերբակալելուն

Թուրքիայի խորհրդարանի հայ պատգամավոր Կարո Փայլանը գրառում է կատարել Ստամբուլի 3-րդ օդանավակայանի շինարարությանը մասնակցող բանվորների ձերբակալությունների հետ կապված։ Կարո Փայլանը Twitter-ի իր էջում գրել է․ «Ինչո՞ւ են բանվորների տների դռները կոտրելով՝ մտնում ձերբակալում։ Ինչո՞ւ են ամեն մի փոքր ընդվզում ուժով ճնշում։ Քանի որ վախենում են։ Ավազակները վախենում են։ Ուրեմն շարունակել նրանց վախեցնել»։ Նշենք, որ Ստամբուլի նոր կառուցվող օդանավակայանի բանվորները գործադուլ էին հայտարարել՝ պահանջելով նորմալ աշխատանքային պայմաններ եւ աշխատավարձի վճարում։ Գործադուլից հետո գիշերով ոստիկանները համաժամանակյա գործողություն են իրականացրել բանվորների տներում եւ բերման ենթարկել մոտ 600 բանվոր, որոնց մի մասը դեռեւս ձերբակալված է։