Զբաղվեք այդ ահազանգերով, հակառակ դեպքում ես զբաղվելու եմ ինձ և իմ քաղաքական թիմը վարկաբեկողներով. Նաիրա Զոհրաբյան
Երևանի ավագնու ընտրություններում «Բարգավաճ Հայաստան» կուսակցության թեկնածու Նաիրա Զոհրաբյանը իր համար նվաստացուցիչ է համարում իրեն ընտրելու համար քաղաքացիներին գումար առաջարկելը։ Նա ոստիկանությանը հորդորեց զբաղվել ընտրակաշառք բաժանելու մասին սոցիալական ցանցերում օգտատերերի հայտարարություններով, հակառակ դեպքում ընտրություններից հետո ինքը կզբաղվի նրանցով։ «Ես որպես Ազգային ժողովի պատգամավոր, անպայման, հետամուտ եմ լինելու, եթե ոստիկանությունը իր գործը չարեց և եթե չապացուցեց... Ես ունեմ բոլոր այն անձանց կոորդինատները, տվյալները, նրանք սոցիալական ցանցերում հայտնի անձինք են, քաղաքապետի ավագանու թեկնածուներ տարբեր դաշինքներից, ովքեր գրում են, որ «Բարգավաճ Հայաստանը» կաշառք է բաժանում։ Ասում եմ՝ հարգարժան ոստիկանություն, զբաղվեք այդ ահազանգերով, որովհետև ես զբաղվելու եմ բոլոր այն անձանցով, ովքեր վարկաբեկում են իմ քաղաքական թիմը և ինձ։ Ես ասում եմ՝ լինելու է խաղի կանոն՝ 0 հանդուրժողականություն կոռուպցիայի հանդեպ, եթե ես ասում եմ, որ Երևանից մի լումա անգամ չեն գողանալու և ավելի խիստ եմ լինելու, քան բոլոր տղամարդիկ և ուժային կառույցները, և մտածել, որ ես կարող եմ հանդուրժել, որ մեկը կարող է քվե տալ ինձ՝ նախապես դրա համար վճարվելով, դա հարվածում է իմ արժանապատվությանը: Թող որևէ մեկը չկասկածի։ Ասում եմ՝ չկա կաշառք տալու որևէ դեպք», - հայտարարեց Նաիրա Զոհրաբյանը։
Հետևեք մեզ Viber-ում
