«Մենք շատ վտանգավոր ճանապարհի վրա ենք կանգնած». ի՞նչ է առաջարկում Վարուժան Ավետիսյանը

«Մենք շատ վտանգավոր ճանապարհի վրա ենք հիմա կանգնած․ պետք է մաքրվել նախորդ ռեժիմի մնացորդներից: Չնայած մեր ժողովուրդը ոտքի կանգնեց և ռեժիմի պարագլուխ Սերժ Սարգսյանին հեռացրեց, բայց ռեժիմն իր զգալի մասով պահպանված է և ամեն կերպ դիմադրում է ժողովրդի հաղթանակին»,- այսօր հրավիրած մամուլի ասուլիսում ասել է «Սասնա Ծռեր» կուսակցության ստեղծման նախաձեռնող խմբի անդամ Վարուժան Ավետիսյանը՝ նշելով, որ ժողովրդավարության հաղթարշավն, առայժմ, ինչ-ինչ պատճառներով դոփում է տեղում: Անդրադառնալով ԱԱԾ և ՀՔԾ պետերի հեռախոսազրույցի գաղտնալսմանը, Վարուժան Ավետիսյանը կարծիք է հայտնել, որ Հայաստանն ունի ոչ միայն ԱԱԾ-ի անվտանգության խնդիր, այլև ազգային անվտանգության, որը սպառնալիքի տակ է: