Կոտայքի մարզում վրաերթի հետևանքով մայրն ու երեխան մահացել են

Սեպտեմբերի 13-ին Կոտայքի մարզում ողբերգական դեպք է տեղի ունեցել: Ժամը 20:00-ի սահմաններում Mercedes մակնիշի 22 ՏՍ 375 համարանիշի ավտոմեքենայի վարորդը Զովունի գյուղի սկզբնամասում՝ գլխավոր փողոցում, վրաերթի է ենթարկել 2 հետիոտնի: Այս մասին հայտնում է shamshyan.com-ը: Վրաերթի ենթարկված կինը տեղում մահացել է, իսկ երեխան քաղաքացիների օգնությամբ տեղափոխվել է «Արմենիա» բժշկական կենտրոն, որտեղ մահացել է: Վարորդը փախուստի չի դիմել, նրան տեղափոխել են ոստիկանության Նաիրիի բաժին: Ոստիկանությունն ու քննչական բաժինը պարզում են մահացածների և վարորդի ինքնությունը: