Սև PR է իրականացվում մեր դաշինքի դեմ. Մարուքյան
Այս օրերին լուրջ մարտահրավերներ կան, սև PR է իրականացվում մեր դաշինքի դեմ, ինչ ասես՝ ասում են, ինչ ասես՝ խոսում: Այս մասին սեպտեմբերի 13-ին Երևանի Արաբկիր վարչական շրջանում ընթացող նախընտրական հանրահավաքի ժամանակ հայտարարեց ԱԺ «Ելք» խմբակցության պատգամավոր, «Լույս» դաշինքի առաջնորդ Էդմոն Մարուքյանը: «Խոսքն այս վերջին ձայնագրությունների, դրանց հրապարակման և նմանատիպ իրողություների մասին է. համարում ենք, որ դա խայտառակություն է: Այս մարտահրավերներն ուղղված են ժողովրդավարությանը, Հայաստանի պետականությանը: Պետք է ամեն ինչ անենք, որ որեւէ սխալ քայլ այս ընթացքում թույլ չտանք, որովհետեւ սխալի վրա մենք չենք կարող կառուցել նորը, ավելի լավը, ավելի ներառականը: Այս մարտահրավերներին դիմագրավելու համար է «Լույս» դաշինքը. սա է մեր պատասխանն է այսպես կոչված հակահեղափոխությանը, ռեւանշիստներին, նրանց, ովքեր ուզում են թալանը չվերադարձնել, հին իրողություններով ապրել»,-հայտարարեց Մարուքյանը։ Նա ողջունեց այն փաստը, որ ավագանու ընտրություներին մասնակցում են մեկ տասնյակից ավելի քաղաքական ուժեր:
Հետևեք մեզ Viber-ում
