Ինչ է պատրաստվում անել Փոստանջյանը «Կարմիր բլուրի» հետ

«Երկիր Ծիրանի» կուսակցությունն այսօր նախընտրական քարոզարշավ է իրականացրել Շենգավիթ վարչական շրջանում՝ այն սկսելով մետրոպոլիտենի Գարեգին Նժդեհի անվան կայարանից։ Իր թիմի հետ միասին կուսակցության ղեկավար Զարուհի Փոստանջյանը եղել է Երևանի «Կարմիր բլուր» պատմամշակույթային արգելոց թանգարանի և Հրազդանի կիրճի տարածքներում: Երևանցիներին ուղղված ուղերձում Փոստանջյանը նշել է, որ «Կարմիր բլուր» հնավայրը բավականաչափ հետազոտված չէ, ինչը պատրաստվում է անել իր՝ քաղաքապետ ընտրվելու դեպքում: Փոստանջյանի թիմակիցները նշել են, որ «Կարմիր բլուր»-ը և մյուս բոլոր մշակույթային օջախները կարող են դառնալ զբոսաշրջային կենտրոններ: