Ամերիկյան ավիաընկերությունները դադարեցրել են Բրյուսելի հետ օդային հաղորդակցությունը

Ամերիկյան ավիաընկերությունները, այդ թվում՝ Delta Air Lines-ը, United Airlines-ն ու American Airlines-ը երեքշաբթի օրը դադարեցրել են Բրյուսելի հետ օդային հաղորդակցությունը՝ քաղաքում տեղի ունեցած ահաբեկչություններից հետո: Այս մասին գրում է TASS-ը՝ հղում անելով պաշտոնական ներկայացուցիչներին: Delta Air Lines-ն ընդհանուր առմամբ դեռևս երկու չվերթ է չեղարկել: Նյու Յորքից Բրյուսել թռչող ինքնաթիռներից մեկն իր ուղղությունը փոխել է դեպի Ամստերդամ: United Airlines-ը 4 չվերթ է չեղարկել, American Airlines-ը՝ մեկ: Ավիաընկերությունները նաև խոստանում են տոմսերի արժեքը ամբողջովին վերադարձնել այն ուղևորներին, ովքեր առաջիկա օրերին կհրաժարվեն Բրյուսել մեկնելուց: