Եթե էլի ձայնագրություններ կան՝ թող հրապարակեն, ցանկացած բառիս համար կարող եմ պատասխան տալ. ԱԱԾ տնօրեն
ԱԱԾ տնօրեն Արթուր Վանեցյանն այսօրվա ասուլիսի ժամանակ հայտարարեց, որ իր ու ու ՀՔԾ պետ Սասուն Խաչատրյանի մասնակցությամբ ձայնագրությունում առկա ցանկացած բառի համար կարող է պատասխան տալ:
ԱԱԾ տնօրենը կոչ արեց՝ եթե էլի ձայնագրություններ կան՝ թող հրապարակեն:
Հիշեցնենք՝ այսօր YouTube-ում ձայնագրություն էր հրապարակվել, որտեղ ԱԱԾ տնօրեն Արթուր Վանեցյանն ու ՀՔԾ պետ Սասուն Խաչատրյանը քննարկում են Ռոբերտ Քոչարյանի, Յուրի Խաչատուրովի և Միքայել Հարությունյանի դեմ քրեական գործերը:
ԱԱԾ տնօրենը հորդորում է Խաչատուրովի հետ «գործ չունենալ», քանի որ դա նյարդայնացնում է ռուսներին. «Խնդրում եմ, Խաչատուրովինը ուշադիր նայեք, չնայած վարչապետն ասում է՝ փակեք, բայց ռուսները...»:
Վանեցյանն առաջարկում է Խաչատուրովին կանչել հարցաքննության ու խափանման միջոցը փոխել, մինչդեռ ՀՔԾ պետը պնդում է, որ մինչև Խաչատուրովը չկալանավորվի, ցուցմունք չի տա.
«Թող երկու օր նստի խելքը գլուխը գա, ցուցմունք կտա», - ասում է ՀՔԾ պետը, ինչին ԱԱԾ տնօրենն արձագանքում է. «Թող նստի»:
Հետևեք մեզ Viber-ում
