«Զինվոր է, հիմարություն է արել». ՌԴ 102-րդ ռազմաբազան ներողություն խնդրել

Գյումրիում տեղակայված ՌԴ 102-րդ ռազմաբազայի ղեկավարությունն այսօր իրենց զինվորի արարքի համար ներողություն է խնդրել և փոխհատուցել գյումրեցի գործարարի, Դվին հանդիսությունների սրահի տնօրեն Սարգիս Սարգսյանի կրած վնասը: Հիշեցնենք, որ սեպտեմբերի 9-ին, ժամը 01:40-ի սահմաններում ռուսական 102-րդ ռազմաբազայի զինծառայող, կրտսեր սերժանտ, 26-ամյա Վասիլի Իչետովկինը մտել էր «Դվին» հանդիսությունների սրահ և կոտրել գույքը՝ ծաղկամանները, օդորակիչը, մի քանի սյուն և ձեռքի տակ հայտնված այլ իրեր: Իչետովկինը հարսանյաց սրահ էր մտել շինության հետնամասի դռան ապակին կոտրելու միջոցով: Ոստիկանները ռուս սերժանտին ենթարկել էին սթափության փորձաքննության և պարզել, որ զինվորը գտնվել է խմածության ամենաբարձր աստիճանում: Հայ իրավապահները ռուս զինվորականին երեկ հանձնել էին ռազմաբազայի հրամանատարությանը: Դվին հանդիսությունների սրահի տնօրեն Սարգիս Սարգսյանը ՀԺ-ի հետ զրույցում ասել է, որ ամեն ինչ հարթվել է: Զինվոր է, հիմարություն է արել: Ռուսական ռազմաբազան գյումրեցի գործարարին 302.000 դրամ է փոխհատուցել: Առավել մանրամասն՝ սկզբնաղբյուրում: