Սաշիկ Սարգսյանի որդին ազատ արձակվեց

Երևանի ընդհանուր իրավասության դատարանում հրապարակվեց 2007թ. սպանության փորձի համար մեղադրվող Սերժ Սարգսյանի եղբորորդի Հայկ Սարգսյանի գործով դատական ակտը: Փոխվեց խափանման միջոց կալանքը՝ նրա նկատմամբ կիրառելով գրավ։ Հայկ Սարգսյանն ազատ արձակվեց 50 մլն դրամ գրավի դիմաց: «Կալանքը պետք ա ընդհանրապես վերացվեր, բայց հաշվի առնելով տարբեր պրոցեսներ, գոնե գրավն այս դեպքում անձին ազատության մեջ հայտնվելու հնարավորություն է տալիս: Կարծում եմ՝ գրավի չափը բավականին բարձր շեմ է, որովհետև նմանատիպ գործերով 3-5 մլն է սահմանվում»,- ասաց Հայկ Սարգսյանի փաստաբան Երեմ Սարգսյանը: