Միհրան Պողոսյանն առաջարկում է կրճատել տուգանքի թիվը

ԱԺ-ում Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն և լրացում կատարելու մասին հարցի քննարկման ժամանակ  ՀՀ ԱԺ ՀՀԿ խմբակցության պատգամավոր Միհրան Պողոսյանը առաջարկեց  պատշաճ ժամանակահատվածում տուգանքներ վճարելու դեպքում կրճատել տուգանքի թիվը: Մասնավորապես,   վարչական ակտը ստանալուց հետո 8 օրվա ընթացքում վճարելու դեպքում վճարել գումարի 50 տոկոսը: «Սա չի վերաբերում բոլոր վարչական ակտերին: Որոշակի բացառություններ կան, օրինակ, անսթափ վիճակում տրանսպորատային միջոց վարելը, կամ այնպիսի խախտումները, որոնք կարող են լուրջ հետևանքներ ունենալ հանրության վրա:Արդյունքում իրավախախտում արած անձանց մոտ պատասխանատվություն կստեղծի տուգանքներ վճարելու համար, կավելանա տուգանքներ վճարողներ թիվը, վճարվաճ տուգանքների թիվը, ինչպես նաև պետական ինքնակառավարման բյուջե մուտքագրվող գումարների չափը, ինչը , կթեթևացնի դատարանների և ԴԱՀԿ ծանրաբեռնվածությունը», - ասաց հիմնական զեկուցող Միհրան Պողոսյանը: Անհրաժեշտ է փոփոխություն կատարել օրենքի գործող այն դրույթում, համաձայն որի՝ տուգանքը պետք է վճարվի 15 օրվա ընթացքում,ասաց  նա: «Սա ձևական բնույթ է կրում: Դրա խախտման դեպքում պատասխանատվություն վրա չի հասնում, ինչը դառնում է աննպատակ, հետևաբար առաջարկվում է 15-օրյա ժամկետը փոփոխել՝ հասցնելով մինչև վարչական ակտի անբողոքարկելի դառնալը»: