Դավիթ Անանյանը՝ Ծառուկյանի «օբյեկտներում» դիմակավորված անձերի կողմից ստուգումների մասին
«ՊԵԿ-ը չունի դիմակավորված անձնակազմ, ՊԵԿ-ն ունի հատուկ բաժնի աշխատակիցներ, որոնք դիմակավորված չեն, բայց ունեն համազգեստ, այդ անձիք, երբ գնում են իրենց գործողություններն իրականացնելու, գնում են առանց զենքի », - պատասխանելով հարցին,թե շաբաթ օրը ՊԵԿ դիմակավորված անձինք, ինչպես գրել էր մամուլը, ստուգումներ են իրականացրել Գագիկ Ծառուկյանի «օբյեկտներում»,նման պատասխան տվեց ՊԵԿ նախագահ Դավիթ Անանյանը:
Իսկ այլ օրերին իրականացվե՞լ է կամ իրականացվելո՞ւ է,հնչեց հաջորդ հարցը Դավիթ Անանյանն ասաց, որ նախկինում եղել են ստուգումներ:« 190 բենզալցակայաններում ստուգումներ են իրականացվել, որից 110-ում խախտումներ են արձանագրվել:110-ի մեջ Ծառուկյանի գազալցակայանները չկան», - ասաց ՊԵԿ նախագահը:
Առաջիկայում իրականացվելիք ստուգումների մասին հարցին ՊԵԿ նախագահը հրաժարվեց պատասխանել:
Հետևեք մեզ Viber-ում
