Չարաշահումները «Հարավկովկասյան երկաթուղի» ՓԲԸ-ում կազմում է 60 մլն դոլար. Փաշինյան
«Հարավկովկասյան երկաթուղի» ՓԲԸ-ում նախնական տվյալներով հայտնաբերվել է 60 մլն դոլարի չարաշահում: Այս մասին «Կոմերսանտ» թերթի տված հարցազրույցում հայտատատեց ՀՀ Վարչապետ Նիկոլ Փաշինյանը: «Այնտեղ, իմ տեղեկություններով, նախնական, չարաշահումների թիվը հասել է 60 մլն դոլարի», - ասաց նա: Օգոստոսի 15-ին Հայաստանի Պետական եկամուտների կոմիտեի աշխատակիցները զննություն են իրականացրել ՀԿԷ ՓԲԸ գրասենյակում, արդյունքում փաստաթղթեր են առգրավվել և քրեական գործ հարուցվել ԱԱՀ-ն չվճարելու (19 հազ. դոլար) կասկածանքով: Ըստ Փաշինյանի, նա արդեն քննարկել է ստեղծված իրավիճակը ՌԴ նախագահ Վլադիմիր Պուտինի հետ: «Կարող եմ ասել, որ այս հարցում ես և կառավարությունն ունենք ՌԴ նախագահի ամբողջական աջակցությունը: Քանի որ ակնհայտ է, որ ՌԴ նախագահը նույնպես ահագրգռված է կոռուպցիայի դեմ պայքարում», - ասաց նա, հավելելով, որ կոռուպցիայի դեմ պայքարը չի կարող մեկնաբանվել, որպես գործողություն ուղղված Ռուսաստանի դեմ: Փաշինյանը րհստակեցրեց թե որ երկրի քաղաքացիներն են հակաօրինական գործողություններ իրականացրել: «Դա չեմ կարող ասել, դա քննությանն է վերաբերվում: Կլինի քննություն: Կարող եմ ասել, որ ՌԴ նախագահի հետ այդ հարցում տարաձայնություններ չունենք», - ընդգծեց նա:
Հետևեք մեզ Viber-ում
