Նիկոլ Փաշինյանը մասնակցելու է քարոզարշավին

Վարչապետը նշեց, որ  Երևանի ավագանու ընտրությունների նախընտրական քարոզարշավին օրենքով սահմանված կարգով մասնակցելու եմ  այնքան ակտիվ, որքան թույլ կտա իմ օրակարգը։ Մտադիր եմ  մասնակցել «Իմ քայլը» դաշինքի այս օրերին անցկացվելիք նախընտրական հանրահավաքներին։  Այս մասին վարչապետը հայտնեց Տավուշում տեղի ունեցած ճեպազրույցի ընթացքում։ Փաշինյանը վստահեցնում է, որ վարչական ռեսուրս չի օգտագործելու այդ ընթացքում, և եթե նույնիսկ քննադատություն լինի այդ ռեսուրսի կիրառման մասին, ապա համարում է, որ կարևորը ոչ թե քննադատությունն է, այլ իրականությունը։ «Վարչապետին, ինչքան գիտեմ, չի արգելվում քարոզարշավի մասնակցել։ Եթե ես այդ քննադատությունից խուսափելու համար պետք է քաղաքական գործունեությունս դադարեցնեմ, չգիտեմ՝ արժի՞ արդյոք», – ամփոփեց վարչապետը։