Արտակարգ դեպք Երևանում. 47-ամյա տղամարդը կասկածվում է 12-ամյա աղջնակի նկատմամբ սեքսուալ բնույթի գործողություններ կատարելու մեջ

SHAMSHYAN.com-ի տեղեկություններով, Երևանի ոստիկանության բաժիններից մեկի հետաքննչական բաժանմունքում նյութեր են նախապատրաստվում Երևանի բնակիչ, 47-ամյա Սահակ Մ.-ի նկատմամբ: Ինչպես հայտնում է ֆոտոլրագրող Գագիկ Շամշյանը, վերջինս կասկածվում է օրեր առաջ մայրաքաղաքի Շենգավիթ վարչական շրջանում 12-ամյա Լաուրա Ս.-ի նկատմամբ՝ իր կամքին հակառակ, սեքսուալ բնույթի գործողություններ կատարելու մեջ: Ֆոտոլրագրողի տեղեկություններով, ոստիկաները հայտնաբերել են կասկածյալին, ով բերման է ենթարկվել, ապա ստորագրությամբ բաց է թողնվել: Հետաքննիչի կողմից նշանակվել են մի շարք փորձաքննություններ, այդ թվում՝ դատաբժշկական: Ֆոտոլրագրողը հայտնում է նաև, որ կասկածյալին հայտնաբերել են տարածքային ոստիկանության անչափահասների գործերով բաժանմունքի ծառայողները: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: