Հերթական մանիպուլյացիան ա անում. Շանթ Հարությունյանը՝ Փաշինյանին
Վարդաշեն քրեակատարողական հիմնարկում հրավիրած ասուլիսում Շանթ Հարությունյանն անդրադարձել է վարչապետ Նիկոլ Փաշինյանի այն հայտարարությանը, որ ինքը չի միջամտելու դատական և իրավապահ մարմինների աշխատանքին, զանգեր չի կատարելու: «Ասում ա՝ ես չեմ միջամտելու, թե չէ կնմանվեմ նախորդ ռեժիմին: Նախորդ ռեժիմին նմանվելու ցուցիչը միջամտությունը չի ըլնելու: Բոլորն էլ պարտավորություն ունեն միջամտելու, պրոստո միջամտել ապօրինություն անելու համար, թե՞ արդարությունը պահանջել՝ իրականացնելու համար ու նաև պատժեն նրան, ով չի անում: Ինքը երևի չի էլ հասկացել, որ քաղաքական իշխանությունը ոչ թե սխալ ա անում, որ միջամտում ա, այլ ապօրինի միջամտությունն ա, որ պետք ա արգելել: Սա չի կարում տարբերի կամ էլ հերթական մանիպուլյացիան ա անում»,- նշեց նա: Շանթ Հարությունյանը նաև հարցադրում արեց՝ եթե Նիկոլ Փաշինյանը չի միջամտում դատարանների աշխատանքին, այդ ինչպե՞ս ստացվեց, որ Մարտի 1-ի գործով Ռոբերտ Քոչարյանը կալանավորվեց: Քոչարյանի նշանակած դատավորները, նրա խոսքով, հենց այնպես նման որոշում չէին կայացնի:
Հետևեք մեզ Viber-ում
