Ռոստովի ինքնաթիռում հայտնի սրտաբան է մահացել, ով հղիության 7-րդ ամսում էր (լուսանկարներ)

«Դուբայ-Ռոստով» կործանված ինքնաթիռի ուղեւորների մասին տեղեկությունները հերթով տարածվում են համացանցում։ Մարդիկ սգում են 62 հոգու մահը, ովքեր ողբերգական ավիավթարի զոհը դարձան։ Այս անգամ էլ բոլորին հուզել է բժիշկ-սրտաբան Վիկտորիա Չիստյակովայի ճակատագիրը։ 35-ամյա բժշկուհին հղի է եղել, 7-րդ ամսում էր հղիության։ «Չէր պատմում երեխայի սեռի մասին, շատ էր վախենում, որ աչքով կտան։ Ապրիլ-մայիսին արդեն փոքրիկը պետք է ծնվեր։ Վիկտորիան ու նրա ամուսինը՝ Օլեգը, բարի, լուսավոր մարդիկ էին», - պատմում են զույգի մտերիմները։ 43-ամյա Օլեգ Չիստյակովը՝ Վիկտորիա ամուսինը, նույնպես բժիշկ էր՝ պլաստիկ վիրաբույժ։ Հենց նա է ստիպել կնոջը մի քանի օրով արձակուրգ գնալ՝ Դուբայ, ցանկանում էր ծննդաբերությունից առաջ ուրախացնել կնոջը։ «Նա հազարավոր կյանքեր է փրկել, ու դեռ քանիսը կարող էր փրկել․․․սարսափելի ողբերգություն է»,- ասում է Վիկտորիայի ծանոթներից մեկը։ Պատրաստեց Past.am-ը: