Հայաստանը խաղաղապահ զորք կուղարկի՞ Սիրիա․ հումանիտար ծրագիրը աննախադեպ է

«Առավոտ» թերթը գրում է. ««Գործող օրենքը ինձ թույլ չի տալիս, որ ավելի բան հրապարակեմ: Բայց շատ շուտով բոլորդ կիմանաք»,- երեկ լրագրողների հետ զրույցում ասաց ՀՀ պաշտպանության փոխնախարար Գաբրիել Բալայանը՝ ոչ հերքելով, ոչ էլ հաստատելով մամուլում հայտնված տեղեկությունները, որ Հայաստանի ԶՈՒ ուժերը խաղաղա­պահ զորք են ուղարկելու Սիրիա, և այդ հարցի շուրջ ՌԴ-ի հետ քննարկումներ են ընթանում: Պատասխա­նելով հարցին՝ արդյո՞ք խոսքն այն ծրագրի մասին է, որը քննարկվում էր դեռևս Վիգեն Սարգսյանի պաշտպանության նախարար եղած ժամանակահատվածում, Գաբրիել Բալայանն ասաց՝ ոչ: Ըստ փոխնախարարի՝ ՌԴ-ի հետ քննարկվող-իրականացվող համատեղ հումանիտար ծրագիրը աննախադեպ է, նախկինում՝ այդպիսի հարց չի քննարկվել»: Մանրամասն՝ թերթի այսօրվա համարում։