ԵՊՀ ուսանող Ալեն Արշակյանի կոշտ պատասխանը Դավիթ Պետրոսյանին

Այսօր armeniatoday.am -ի հետ հարցազրույցի ժամանակ ԵՊՀ ուսանող Ալեն Արշակյանը պատասխանեց Դավիթ Պետրոսյանի հայտարարությանը. «Հարգելի Դավիթ, Facebook -ում երեկվա քո հայտարարությունը խորը վրդովմունք է առաջացրել ուսանողության լայն շրջանակներում: Դու մեղադրում ես դասախոսական կազմին այն բաներում, որոնք անում ես հենց դու: Ուսանողներին լարում ես իրար դեմ, ստում ես, փորձում ես քո կողմ քաշել կուրսերի ավագներին, չարություն ես սերմանում: Մտածելով կհասկանաս, որ քո անհիմն մեղադրանքներով և անիմաստ գործողություններով ամբողջ համալսարանի ու ֆակուլտետի անունն ես հավասարեցնում հատակին: Այո’ Դավիթ ցավալի է, իրոք ցավալի է, որ դու քո գործողություններով սերունդ ես փչացնում: ԵՊՀ-ն ստեղծվել է 1919 թվականի մայիսի 16-ին, և այդ օրվանից մինչև վերջերս համալսարանի պատմության մեջ այդպիսի ուսանող չի եղել, որ մայր բուհի ռեկտորին բռնի գործողությունների արդյունքում հասցնի ծայրահեղ վիճակի: Միջազգային հարաբերություններ ֆակուլտետը ստեղծվել է դեռևս 1990 թվականին ,և մինչև այսօր ֆակուլտետի պատմության մեջ չի եղել մի ուսանող , որ կփորձի հիմար առաջարկություն անել և ստորագրահավաքի միջոցով փոխել մոտ 30 տարվա պատմություն ունեցող ֆակուլտետի անունը: Այո’ , այսօր մենք ապրում ենք Նոր Հայաստանում , բայց դա չի նշանակում , որ յուրաքանչյուր ոք կարող է քնից արթնանալ և որոշել ինչ-որ փոփոխություն կատարել որևէ բնագավառում: Տվյալ պրոցեսների համար գոյություն ունեն հատուկ մարմիններ, որոնք ավելի լավ գիտեն երբ և ինչ պետք է փոփոխել: Խորհուրդ կտամ քեզ ցուցամոլության միջոցով փորձ չանես հաճոյանալու ժողովրդի լայն շրջանակներին»: