Վհուկների որս. Պետք է 10 հազար դրամը չդառնա ամենալավ թեկնածուն. Արամ Սարգսյան

ԱԺ արտահերթ նիստում  «Ելք» խմբակցության պատգամավոր Արամ Սարգսյանը հայտարարել է, որ անհրաժեշտ է բարձրացնել հանրության կենսամակարդակը: «Պետք է կենսամակարդակը բարձրացնել, որպեսզի 10 հազար դրամը չդառնա ամենալավ թեկնածուն: Շատ կարևոր է նաև ուշադրություն դարձնել, թե ովքեր են ընտրակաշառք տալիս: Դրանք այն մարդիկ են, որոնք հետագայում պետական պաշտոններ են զբաղեցնում և այդ պաշտոնները զբաղեցնելով իրենց տված ընտրակաշառքը հետ են վերցնում»,- ասաց Արամ Սարգսյանը: Այնուհետև փաստել է նաև, որ պետք է բացառել վհուկների որսը. «Իմ կարծիքով՝ օրենքը նաև պետք է լինի հումանիտար և բացառի վհուկների որսը: Այս առումով մեր բոլոր ընդունվող օրենքներում այս դիտարկումը պետք է հաշվի առնենք»;