Վարչապետն ասում է՝ Շանթ Հարությունյանը քաղբանտարկյալ է, բայց ուզում է նրան ազատ արձակել որպես շարքային հանցագործ. Շահեն Հարությունյան (Տեսանյութ)
Շաբաթ օրը՝ սեպտեմբերի 8-ին Վարդաշեն ՔԿՀ-ում տեղի է ունենալու Շանթ Հարությունյանի մամուլի ասուլիսը, այսօր լրագրողների հետ ճեպազրույցում ասաց Շանթ Հարությունյանի որդին՝ Շահեն Հարությունյանը։Նա մասնակցում էր ի պաշտպանություն Շանթ Հարությունյանի բողոքի ակցիային։«Ինչպես վարչապետ Նիկոլ Փաշինյանն է ասել, պետք է ստեղծվեն հանձնախմբեր, որոնք կքննեն՝ անձը քաղբանտարկյա՞լ է, թե՞ քաղբանտարկյալ չէ։ Առանց հանձնախումբ ստեղծելու՝ նա հայտարարել է, որ անձը քաղբանտարկյալ է, ուրեմն պետք է պատասխանատվություն ստանձնի այդ խոսքերի համար։ Եթե ասում է քաղբանտարկյալ է, բայց ուզում է ազատ արձակել իբրև շարքային հանցագործ, դա ինձ համար ոչ մի կերպ ընդունելի չէ», - ասաց Շահեն Հարությունյանը։
