««Ինձ ընտրեք ու ձեր ասֆալտը կանեմ»

Կառավարության նախաձեռնությամբ այսօր հրավիրվել է ԱԺ արտահերթ նիստ, որի ընթացքում քննարկվում է ՀՀ քրեական օրենսգրքում փոփոխություններ և լրացումներ կատարելու մասին նախագիծը ու կից ներկայացված փաթեթը: Համաձայն փաթեթի՝ նախատեսվում է փոփոխություններ կատարել այն օրենսգրքերում, որով պատասխանատվություն է նախատեսված ընտրական ընթացակարգերը խախտելու համար: Առաջին փոփոխությունը վարչական իրավախախտումների օրենսգրքի 40.10-րդ հոդվածը քրեականացնելն է: Հոդվածում նշվում է հետևյալը՝ «նախնական քարոզչության ընթացքում, ինչպես նաև քվեարկության նախորդ և քվեարկության օրը թեկնածուների, կուսակցությունների, դաշինքների կողմից անձամբ, նրանց անունից կամ որևէ այլ եղանակով բարեգործության անվան տակ ընտրողներին և հանրաքվեի մասնակիցներին անհատույց կամ արտոնյալ պայմաններով դրամ, սննդամթերք, արժեթղթեր, ապրանքներ տալը, խոստանալը կամ ծառայություններ մատուցելը, բարեգործության հետ միաժամանակ ընտրական կամ քարոզչություն իրականացնելը»: Աժ փոխնախագահ, ԲՀԿ-ական Միքայել Մելքումյանի հարցին ի պատասխան Արդարադատության փոխնախարարն ասաց. «Բարեգործության պատրվակով արված նվիրատվությունների մասին այսօր կա նաև Վարչական իրավախախտումների օրենսգրքում: Նման արարքը մեծ վտանգավորություն ունեցող է, եթե թեկնածուն առաջարկում է հետևյալը՝ ինձ ընտրեք ու ձեր ասֆալտը կանեմ. սա դիտվում է վարչական պատասխանատվություն»