Բրյուսելի օդանավակայանը փակ կլինի մինչև վաղն առավոտ

Բրյուսելի օդանավակայանը, որտեղ մարտի 22-ի առավոտյան երկու պայթյուն է որոտացել, փակ կլինի մինչեւ մարտի 23-ի առավոտ: Այդ մասին հաղորդվում Է Բելգիայի ազգային ավիափոխադրողի՝ Brussels Airlines-ի կայքում: «Մարտի 22-ի առավոտյան Բրյուսելի օդանավակայանում տեղի ունեցած պայթյունների պատճառով օդանավակայանը փակվել Է մինչեւ մարտի 23-ի ժամը 6:00-ն: Այդ պատճառով այսօր բոլոր չվերթերը Բրյուսելի օդանավակայան եւ այնտեղից չեղարկված են»,- նշվում Է Brussels Airlines-ի կայքում: