Ում համար ստուգարք, ում համար քաղաքականություն. Թեկնածուները՝ ընտրության մասին (video)

22:48 - 4/սեպտեմբերի/2018

Երևանի Քաղաքապետի ընտրություններին ընդառաջ, այսօր Հայելի ակումբում լրագրողների հետ հանդիպել էին «Իմ քայլը» դաշինքից Նարինե Թուխիկյանը, «Երևանի հանրություն» ընտրական դաշինքից Արմեն Հովհաննիսյանը և կրթական ոլորտում փորձագետ Անահիտ Բախշյանը:Խոսելով առաջիկայում սպասվող քաղաքապետի ընտրություններից՝ տիկին Անահիտ Բախշյանն ասաց. «Մեր երկրում վերջին ամիսներին տեղի ունեցած իրադարձություններն ուղղակի շշմեցուցիչ են: Մենք բոլորս պետք է այս քննությունը պատվով անցնենք»: Ասուլիսի մյուս բանախոս Նարինե Թուխիկյանի խոսքով էլ՝ սա թավշյա հեղափոխությունից հետո առաջին լուրջ փորձությունն է. «Շատ երկար ժամանակ մենք չենք ունեցել ազատ ընտրություններ և սա բացառիկ հնարավորություն է, որպեսզի կարողանանք ապահովել ընտրությունների թափանցիկությունը»: Արմեն Հարությունյանի կարծիքով էլ իրենք ավագանու ընտրությունները չեն դիտարկում ԱԺ գնալու համար նախնական քննություն: Վերջինս անդրադարձավ նաև ԿԸՀ հանձնաժողովի նախագահ Տիգրան Մուկուչյանի ԿԸՀ-ի նախագահի պաշտոնում պաշտոնավարմանը «Մեր դաշինքը գտնում է, որ քանի դեռ Տիգրան Մուկուչյանը շարունակում է իր պաշտոնում մնալ, իսկ ՀՀԿ-ն պահպանում է իր քվոտաները տեղական հանձնաժողովում, ապա սրանք կարող են վնասել այն քաղաքական կամքին, որը կա արտահերթ ավագանու ընտրություններ անցկացնելու համար»: Մանրամասները՝ տեսանյութում.