Ինչ է ասել Փաշինյանը
Այսօր ՀՀ վարչապետ Նիկոլ Փաշինյանի հետ զրույցում լրագրողները հիշեցրել են, որ Շանթ Հարությունյանն իրեն ասել է լրագրողների հետ հանդիպման, ասուլիսի հնարավորություն տալու մասին: «Ես հանձնարարել եմ արդարադատության նախարարին, որ օրենքով սահմանված կարգով հնարավորություն տրվի Շանթ Հարությունյանին մամուլի ասուլիս տալ։ Եթե նա ցանկանում է լրագրողների հետ շփվել, ոչ մի խնդիր չեմ տեսնում»,- ասել է Նիկոլ Փաշինյանը: Հիշեցնենք, որ Շանթ Հարությունյանը, տեղեկանալով, որ վարչապետ Փաշինյանը հանրային ելույթում անդրադարձել է իր՝ բանտարկված լինելուն, ասել է. «Այսօր վարչապետի կողմից ինձ ուղղված կշտամբանքին համարժեք պատասխանելու որևէ հնարավորություն չունեմ: Ցավոք, դատական նիստեր էլ չկան: Եթե Նիկոլ Փաշինյանն իր արարքը չի նույնացնում Սերժ Սարգսյանի վարմունքի հետ, ուրեմն թող հանձնարարի համապատասխան կառույցներին՝ ինձ հնարավորություն տալ լրագրողների հետ հանդիպելու: Այսպիսի հնարավորությունը կլինի արդարացի և բարոյական: Սա կապահովի խոսքի ազատության որոշակի հավասար պայմաններ: Ես, իհարկե, ինքս կհրավիրեի լրագրողներին՝ վարչապետի հանրային խոսքին պատասխանելու համար և իր միջամտությունը չէի խնդրի: Բայց, քանի որ նախկին դառը փորձն ունեմ, ուստի ստիպված եմ դիմել իրեն»:
Հետևեք մեզ Viber-ում
