«Դա մեր միակ ճանապարհն է». Աշոտ Հակոբյան

Անդրադառնալով Վերին Լարսի անցակետին` նա ասաց, որ ինժեներական լուծումներ են փնտրում Լարսի անցակետն ընդլայնելու համար, սակայն այդտեղ աշխարհագրական դիրքն այնպիսինն է, որ անսահմանափակ անցակետեր չեն կարող կառուցվել. «ունենք այն, ինչ ունենք»։ Լարսի ճանապարհը կառուցելիս ոչ ոք չէր հաշվարկել, որ երրորդ երկրից՝ Թուրքիայից, կանցնեն դեպի Ռուսաստան, և որևէ մեկը չէր հաշվարկել, որ Բաթումին կդառնար զբոսաշրջային այդպիսի մեծ կենտրոն: «Լարսում կուտակումների ժամանակ եղել ենք Վրաստանում, այնտեղ էին նաև ՌԴ և Վրաստանի սահմանապահ մարմինների ղեկավարները, որոնք փորձում էին լուծում գտնել անցակետն ընդլայնելու համար: Նույնիսկ մի փոքր կրպակ կար, որը վերածել էին անցակետի, որ կարողանան արագ սպասարկել: Դա մեր միակ ճանապարհն է»,- նշեց նա: Նախարարն ասաց, որ անցակետի այդ հերթերը վերաբերում են ոչ միայն հայ վարորդներին, դրանցում հայերի չափաբաժինը կազմում է շուրջ 25 տոկոս։ Ինչ վերաբերում է Լարսին այլընտրանք ունենալուն, նախարարն ասաց, որ դա վերաբերում է միայն բեռափոխադրումներին, և դա Հարավային Օսիայի հատվածն է։