Մտահոգված ենք Ռոբերտ Քոչարյանի ագրեսիվությամբ․ ԺՀԿ-ն դիմել է Նիկոլ Փաշինյանին
«Ժողովրդավարական Հայրենիք» կուսակցության քաղաքական խորհուրդը դիմել է վարչապետ Նիկոլ Փաշինյանին՝ ահազանգելով Քոչարյանի ռեւանշիստական ագրեսիվության մասին։ Հայտարարության մեջ ասված է․ ««Ժողովրդավարական Հայրենիք» կուսակցությունը երկու տասնամյակ պայքարել է քոչարյանա-սարգսյանական քրեաօլիգարխիկ, արյունարբու վարչախմբի դեմ, միաժամանակ, հանդիսանալով հեղափոխության ակտիվ մասնակից քաղաքական ուժ, մտահոգված է վերջին օրերին Ռոբերտ Քոչարյանի ռեւանշիստական ագրեսիվությամբ, ինչպես նաեւ նրան աջակցող տարատեսակ խմբավորումների բացահայտ ցինիկ կեցվածքով ու համախմբման նկրտումներով, վերջիններիս սկսել են անթաքույց աջակցություն ցույց տալ նաեւ պետական համակարգի ու ինքնակառավարման մարմինների այն աշխատակիցները, որոնք նախորդ իշխանության ժամանակ ներքաշված են եղել կոռուպցիոն գործարքներում եւ ունենալով մտավախություն, որ հեղափոխության ձեռքերը կհասնեն նաեւ իրենց, սկսել են քողարկված կազմաքանդել պետական ու դատաիրավական համակարգերը, շարադրված մտահոգություններով ԺՀԿ-ն ահազանգ է հնչեցնում վարչապետ Նիկոլ Փաշինյանին եւ իր աջակցությունն է հայտնում հեղափոխական իշխանության նախաձեռնություններին, մասնավորապես՝ Մարտի 1-ի գործով պատասխանատվության կենթարկվեն բոլոր հանցագործները՝ Ռոբերտ Քոչարյանի եւ Սերժ Սարգսյանի գլխավորությամբ։ Կշարունակվի կոռուպցիայի դեմ պայքարն առավել թիրախավորված եւ ժողովրդից ու պետությունից գողացված ահռելի գումարները կվերականգնվեն։ Ապրիլյան քառօրյա պատերազմի հետեւանքով հարյուրից ավելի զոհերի եւ տարածքների կորուստի հետ կապված անհասկանալի ու հանրությանը մտահոգող հարցերի բացահայտմանը ։ Անցումային արդարադատության կիրառմամբ իրականացնել պետության ու օրենքի անունից հանդես եկող Ռոբերտ Քոչարյանի եւ Սերժ Սարգսյանի, ինչպես նաեւ, նրանց հպատակների հրապարակային դատավարություն։ «Ժողովրդավարական Հայրենիք» կուսակցության քաղաքական խորհուրդ»։
Հետևեք մեզ Viber-ում
