Հայկ ջան, հեղափոխության իմաստն էն էր , որ չլինի մի թիմ, ում դեմ խաղ չկա. Պետրոս Ղազարյանը` Հայկ Մարությանին
Գագիկ Ծառուկյանի գլխավորած «Բարգավաճ Հայաստանի» ցուցակի երկրորդ հորիզոնականում գտնվող Պետրոս Ղազարյանը ֆեյսբուքյան իր էջում արձագանքել է «Իմ քայլը» դաշինքով մասնակցող «Քաղաքացիական պայմանագիր» կուսակցության քաղաքապետի թեկնածու Հայկ Մարությանի այդ հայտարարությանը. «Հայկ ջան, հեղափոխության ողջ իմաստն էն էր , որ մեր երկրում չլինի մի ուժ, մի թիմ, մի անձ ում դեմ խաղ չկա ։25 տարի տեսել ենք խաղ չկան ՝բոլոր արդյունքներով։ Իսկ քո կողմից սև որակված ուժերի ցանկը և նրանց գունազատելու մեթոդաբանությունը խնդրում եմ հրապարակել»: Հիշեցնենք, որ Երևանի ավագանու ընտրություններին «Իմ քայլը» դաշինքով մասնակցող «Քաղաքացիական պայմանագիր» կուսակցության քաղաքապետի թեկնածու Հայկ Մարությանըհայտարարել էր. «Այսօր Հայաստանում իրավիճակը շատ պարզ է՝ կան սպիտակ ուժեր և կան սև ուժեր, վերջ։ Ես ուզում պաշտոնական հայտարարել, չնայած գիտեք, բայց պետք է ասեմ , այո մենք սպիտակ ուժերն ենք, իսկ բոլոր նրանք, ովքեր չեն ուզում, որ մենք հաջողություն ունենանք, ես կարող եմ ասել, որ սև ուժերն են։ Որովհետև մենք և մեր հաջողությունը Հայաստանի հաջողությունն է։ Ոչ ոք մեզանից անձնական շահեր, անձնական ինչ որ ամբիցիաներ չունի: Ընտրություններին մասնակցող մեր թիմը ուժեղ է՝ նույնիսկ կարող եմ ասել մեր թիմի դեմը խաղ չկա»:
Հետևեք մեզ Viber-ում
