ԱԺ-ն սահմանադրական փոփոխությունների չի գնա. հանրաքվեն անհրաժեշտություն է. Արա Պապյան (video)

«Սահմանադրական փոփոխություններ, միանշանակ, անհրաժեշտ են, որովհետև առանց դրանց հնարավոր չէ արտահերթ ընտրություններ անցկացնել»,- այսօր Հայելի ակումբում լրագրողների հետ հանդիպմանն ասաց «Մոդուս վիվենդի» վերլուծական կենտրոնի ղեկավար, դիվանագետ Արա Պապյանը: Հարցին՝ հնարավո՞ր է իր շուրջ կոնսոլիդացիա լինի, ասաց, որ հնարավոր է: «Այսօր ինքն այն կերպարն է, որը կարող է մասամբ կամ ամբողջությամբ իր շուրջ համախմբել հանրապետականներին: Կլինի ՀՀԿ-ն, ՀՅԴ-ն, իհարկե ոչ ամբողջությամբ, կլինեն ինչ-որ մանր կուսակցություններ, կլինեն որոշակի բիզնես խմբավորումներ, մարդիկ, որոնց հետ ինքն աշխատել է, օգնել է»: Արա Պապյանը նշեց, որ սահմանադրական փոփոխությունները սահմանադրական ճանապարհով պետք են և կարող են իրականացվել միայն ԱԺ-ի միջոցով և հանրաքվե անցկացնելու միջոցով: «ԱԺ-ն նման քայլի չի գնա, իսկ հանրաքվեի դեպքում էլ խնդիր ունենք, ի վերջո դրա հավանությունը տալու է ԱԺ-ն՝ երկու-երրորդով և էլի խնդիր է, ուստի հարցը պետք է լուծվի Սահմանադրության երկրորդ հոդվածի միջոցով՝ իշխանությունը պատկանում է ժողովրդին: Պետք է հանրաքվե անցկացվի և դրվի հարց՝ համաձա՞յն եք արդյոք անցկացնել ԱԺ արտահերթ ընտրություններ: Առավել մանրամասն՝ տեսանյութում.