«Պետք է իրար բզկտելուց անցում կատարենք». Թևան Պողոսյան

ՀՀ նախագահի խորհրդական Թևան Պողոսյանի խոսքով արդեն իսկ պետք է հայտարարվի արտահերթ խորհրդարանական ընտրությունների օրը. «Պետք է հստակեցում լինի, որ իմանանք՝ ուր ենք գնում»:Թևան Պողոսյանն ընդգծեց, որ բոլոր հարցերը պետք է արագ լուծվեն. «Պետք է իրար բզկտելուց անցում կատարենք: Մեր թշնամիները չեն քնում, չէ՞։ Աշխարհում հազարավոր փոփոխություններ են լինում,տարբեր խնդիրներ են գալիս,  մենք ունե՞նք այն ընկալումը, որ ամեն բան պետք է անենք, որ մեր տնտեսությունը զարգանա, անվտանգության խնդիրները լուծենք, մեր սեփական պոտենցիալն այնքան զարգացնենք, որ Հայաստանը դառնա հզոր, որ բոլորը ցանկանան և Հայաստանի հետ ընկերություն անել, և նրա կողքին կանգնել»։ Թևան Պողոսյանը դրական է համարում վարչապետի և ԱԺ նախագահի հանդիպումը, իսկ Ռոբերտ Քոչարյանի ձերբակալության մասին նախագահի լռությունը նորմալ համարեց. «Ոչ, դրանք այն հարցերը չեն, որոնց վերաբերյալ նախագահը պետք է իր դիրքորոշումը հայտնի։ Մենք ունենք գործադիր, օրենսդիր և դատական իշխանություններ, յուրաքանչյուրն ունի իր պատասխանատվության խնդիրը, նրանք պետք է աշխատեն։ Նախագահը ցանկացած քաղաքացու առջև է պատասխանատու, որ որևէ մեկի առջև չխախտվի Սահմանադրությունը»։