«Անակնկալներ են լինելու, շատ հավանական է, որ Ռոբերտ Քոչարյանի հետ կլինեն նաև թավշյա հեղափոխության մասնակիցները». Գառնիկ Իսագուլյան

Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանն այսօր Հայելի ակումբում լրագրողների հետ հանդիպմանն ասաց, որ տեղեկություններ ունի, թե նույնասեռականների կողմից ծեծված ոստիկանները վախենում են նրանց դեմ ինչ-որ բան գրել. «Նրանք վախենում են, որ այդ գործը կարող է հետո իրենց դեմ շրջվել, և պատժվեն ոչ թե այդ «գոմիկները», որոնք մտել են բաժին և ծեծել ոստիկաններին, այլ հենց ոստիկանները պատժվեն։ Ես խնդրում եմ, որ ոստիկանապետն ասի՝ արդյոք քրեական գործ հարուցվել է, այդ քրեական գործն ուժի մե՞ջ է, թե՞ ոչ»։ Այնուհետև Իսագուլյանն առաջարկեց, որ Հայաստանի և Արցախի հանրապետությունների ներկա և նախկին ղեկավարները հանդիպեն և քննարկեն առկա խնդիրները. «Ես այս ընթացքում հանդիպել եմ Ռոբերտ Քոչարյանին, Սերժ Սարգսյանին, դիմում եմ ուղարկել, որ հանդիպեմ Նիկոլ Փաշինյանին, այդ շփումները ես միշտ փորձում եմ պահել և դրանք միշտ լինելու են անկախ ամեն ինչից: Քոչարյանը միշտ պատճառաբանում էր, ասում էր Գառնիկ ջան, ես իմ ծառայությունն արդեն մատուցել եմ, հիմա շատ ուրախ եմ, որ վերադառնում է»։ Գառնիկ Իսագուլյանը ուղղակի վստահ է, որ երկրորդ նախագահի շուրջ կհամախմբվեն շատերը. «Անակնկալներ են լինելու, շատ հավանական է, որ նրա հետ կլինեն նաև թավշյա հեղափոխության մասնակիցները»։