Վարորդները սկսել են վատ վարել իշխանափոխությունից հետո 1.5 ամսվա ընթացքում. ոստիկանապետ

Ճանապարհային երթեւեկության կանոնների նվազ խախտումների համար տուգանքի փոխարեն նախազգուշացումը մեր վարորդների մի մասը ճիշտ չընկալեցին, սկսեցին թույլ չտալ կոպիտ խախտումներ։ Այս մասին  հայտնեց ՀՀ ոստիկանապետ Վալերի Օսիպյանը՝ շեշտելով, որ Ճանապարհային ոստիկանությունն այսօր էլ ավելի լավ է աշխատում, քան երեկ, սակայն համաձայնեց՝ վարորդները սկսել են վատ վարել իշխանափոխությունից հետո 1.5 ամսվա ընթացքում։ «Կար վարչապետի հանձնարարականը, ոստիկանությունն ուսումնասիրել է այդ հանձնարարականը, մենք ներկայացրել ենք ճանապարհային երթեւեկության կանոնների 8 կետեր, որով ոստիկանությունն ուղղակի զգուշացնում էր վարորդներին, բայց մեր վարորդների մի մասը ճիշտ չընկալեցին, սկսեցին թույլ տալ կոպիտ խախտումներ։ Սակայն, հիմա խստացվել է»,–նշել է Օսիպյանը։