Բարեփոխումները չպետք է լինեն «ափալ-թափալ». Փաշինյան
Բարեփոխումները չպետք է լինեն «ափալ-թափալ» և հարկային օրենսգրքի փաթեթը ևս պետք է քննարկվի հասարակության հետ: Այս մասին օգոստոսի 30-ին, կառավարության նիստի սկզբում հայտարարեց ՀՀ վարչապետ Նիկոլ փաշինյանը: Փաշինյանի խոսքով, իրենց բոլոր քայլերը պետք է բխեն նոր կառավարման համակարգից, որը պատմականորեն կոչվում է ուղիղ ժողովրդավարություն: «Մենք ընդարձակ բարեփոխումներ պետք է իրականացնենք, դրանք չպետք է լինեն հապշտապ, «ափալ-թափալ», չմտածված, դրանք պետք է ուղիղ եւ օրգանական կապ ունենան մեր ազգային շահերի, առաջադրված խնդիրների եւ Հայաստանում տեղի ունեցած ոչ բռնի, թավշյա հեղափոխության առաջադրած խնդիրների հետ»,-ընդգծեց Փաշինյանը:
Հետևեք մեզ Viber-ում
