Սիրիայի բանակցությունների առաջին մասը կավարտվի մարտի 24-ին

Սիրիայի գծով ՄԱԿ-ի պետքարտուղարի հատուկ բանագնաց Ստաֆան դե Միստուրան հաստատել է, որ միջսիրիական բանակցությունների ընթացիկ մասը կտևի մինչև մարտի 24-ը, հայտնում է TASS-ը: «Վաղը՝ մարտի 22-ին ես հանդիպում կունենամ Բանակցությունների բարձրագույն կոմիտեի հետ, այնուհետև՝ մարտի 23-ին և մարտի 24-ի առավոտյան կրկին հանդիպումներ կկայանան Կոմիտեի և կառավարության պատվիրակության հետ, նախքան մենք կավարտենք միջսիրիական բանակցությունների առաջին հատվածը»,- ասել է նա: Ավելի վաղ տեղեկացվել էր, որ Դամասկոսի պատվիրակությունը Դե Միստուրայի հետ քննարկել է ահաբեկչության դեմ պայքարի միջոցները: