Թուրքական դատարանը կրկին հրաժարվել է ազատ արձակել քուրդ գործիչ Դեմիրթաշին

Թուրքական դատարանը կրկին մերժել է քուրդ քաղաքական գործիչ, քրդամետ Ժողովրդադեմոկրատական կուսակցության նախկին համանախագահ Սելահաթթին Դեմիրթաշի նախնական խափանման միջոցը փոխելու ու նրան ազատ արձակելու միջնորդությունը։Ինչպես գրում է թուրքական «Ջումհուրիյեթ» պարբերականը, ահաբեկչական կառույցների հետ կապի ու ահաբեկչամետ քարոզչություն իրականացնելու համար մեղադրվող Դեմիրթաշը կշարունակի վերջնական վճռին սպասել Էդիրնե նահանգի բանտում։