Թուրքիան ԱՄՆ-ից «ԷՖ 35» ռազմական ինքնաթիռներ ստանալու համար պիտի հրաժարվի ռուսական «С- 400» հակահրթիռային համակարգեր ստանալուց
ԱՄՆ-ն Թուրքիային զգուշացրել է, որ ԱՄՆ-ից «Էֆ 35» ռազմական ինքնաթիռներ ստանալու համար պիտի հրաժարվի ռուսական «С-400» հակահրթիռային համակարգեր ստանալուց:
«Մենք դեմ ենք ողջ աշխարհում մեր գործընկերների և դաշնակիցների կողմից ռուսական С-400-ների գնմանը: Դա կարող է հանգեցնել պատժամիջոցների»,- ասել է Նոյերթը՝ հիշեցնելով Թուրքիայի դեմ հնարավոր պատժամիջոցների մասին: «ՆԱՏՕ-ի մեր դաշնակիցը, ինչպիսին Թուրքիան է, օգտագործում է С-400-ները, և դա հակասում է մեր քաղաքականությանը»,- նրա խոսքը մեջբերում է РИА Новости-ն: Թուրքիայի «Գազետե» ազգային օրաթերթը երկուշաբթի օրը գրել է. «Վերջին օրերս Թուրքիա ուղևորված ԱՄՆ-ի Կոնգրեսի պատվիրակությունը Թուրքիայի ԱԳ և պաշտպանության նախարարությունների պաշտոնատարների հետ հանդիպումների ժամանակ ընդգծել է, որ «С-400» հակահրթիռային պաշտպանության համակարգ գնվելու դեպքում ԱՄՆ-ն կհրաժարվի «Էֆ 35» ռազմական ինքնաթիռները Անկարային հանձնելուց»: Համաձայն այս հաղորդման, ամերիկյան պատվիրակությունը հայտարարել է, որ եթե Թուրքիան չեղարկի Ռուսաստանի արտադրության С-400 հակահրթիռային պաշտպանության համակարգերի գնման պայմանագիրը, ԱՄՆ-ն ոչ միայն կվերցնի Թուրքիային «Էֆ 35» ռազմական ինքնաթիռների վաճառքի վրա դրված արգելքը, այլև կնախաձեռնի Թուրքիայի հետ հարաբերությունների ու լարվածության կարգավորումը:
Հետևեք մեզ Viber-ում
