Նամակ`«Հյուսիսային հոսք 2»-ի դեմ
Եվրահանձնաժողովը ստացել է ԵՄ երկրների նամակը, որում նրանք դեմ են արտահայտվել «Հյուսիսային հոսք 2» գազատարի շինարարությանը:
Այս մասին հաղորդել է ԵՀ մամուլի ծառայության ներկայացուցիչը:
Ըստ ՌԻԱ Նովոստիի, մամուլի ծառայությունում նաեւ հիշեցրել են, որ Եվրահանձնաժողովը մշտական կապի մեջ է Գերմանիայի էներգետիկ կարգավորողի հետ՝ «Հյուսիսային հոսք 2»-ի վերաբերյալ ավելի շատ տեղեկություններ ստանալու համար: Այդ տվյալների հիման վրա ԵՀ-ն պետք է եզրահանգումներ անի, թե ԵՄ օրենսդրությունը որքանով է կիրառելի այդ նախագծի առնչությամբ, ինչպես նաեւ ԵՀ-ի հետագա գործողությունների շուրջ:
Ավելի վաղ Reuters գործակալությունը հաղորդել էր, որ ԵՄ անդամ ութ պետությունների ղեկավարներ ստորագրել են ԵՀ նախագահ Ժան-Կլոդ Յունկերին ուղղված նամակ, որում դեմ են արտահայտվել «Հյուսիսային հոսք 2» նախագծի իրականացմանը: Նամակը ստորագրել են Չեխիայի, Էստոնիայի, Հունգարիայի, Լատվիայի, Լեհաստանի, Սլովակիայի, Ռումինիայի կառավարությունների ղեկավարներն ու Լատվիայի նախագահը: Նրանց կարծիքով, այդ նախագիծն աշխարհաքաղաքական անկայունության վտանգ է պարունակում:
ՌԴ ԱԳՆ-ն իր հերթին կոչ է արել չքաղաքականացնել Եվրամիության հետ Ռուսաստանի էներգետիկ հարաբերությունները:
Հետևեք մեզ Viber-ում
