Լիլիթ Մակունցը՝ Մշակույթի նախարարության աշխատակիցների աշխատավարձերի բարձրացման մասին

Մշակույթի նախարար Լիլիթ Մակունցն այսօր լրագրողների հետ հանդիպմանը նշեց, որ ինքը շահագրգիռ է, որ այս ոլորտում աշխատավարձերը բարձրանան, սակայն Ֆինանսների նախարարությունից չունեն այն տեղեկությունը՝ արդյոք մյուս տարվա բյուջեն մնալու է նույնը, թե ավելանալու է, որ դրա հիման վրա կատարվեն աշխատավարձերի բարձրացում։Մակունցը հավաստիացրեց՝ առաջին իսկ հնարավորության դեպքում աշխատավարձերը բարձրանալու են։ Այնուհետև նախարարը տեղեկացրեց, որ կազմակերպական կառուցվածքի փոփոխություններն անհրաժեշտ են բաժինների հստակ գործառույթների սահմանման առումով, քանի որ բաժիններ կան, որոնց վրա պատասխանատվությունը շատ ավելի շատ է, քան մյուսների, բաժիններ կան որտեղ ավելի շատ աշխատողներ կան, քան մյուս բաժիններում, նախկինում եղել են դեպքեր, երբ երկու բաժին իրարից անկախ նույն գործառույթը են կատարել, իրարից անկախ նույն միջոցառումին են պատրաստվել։