Սերբիայի մշակույթի նախկին նախարարի հացատանը պայթյուն է տեղի ունեցել

Անհայտ անձը նռնակ է պայթեցրել Բելգրադի հացատներից մեկում, որը պատկանում է Սերբիայի մշակույթի նախկին նախարար Բրատիսլավ Պետկովիչին: Այս մասին հաղորդում է «BBC»-ն: Ինչպես «France Press»-ին հաղորդել է ոստիկանությունը, պայթյունի հետևանքով տղամարդը զոհվել է: Այլ զոհերի կամ վիրավորների մասին գործակալությունը չի հաղորդում: Տեղական ԶԼՄ-ների տվյալներով, պայթյունից առաջ տղամարդը բոլոր մարդկանց ստիպել է լքել տարածքը: Նրա գործողության մոտիվները դեռևս պարզ չեն: Սերբիայի մշակույթի նախկին նախարար Բրատիսլավ Պետկովիչը այժմ գլխավորում է Բելգրադի թանգարաններից մեկը: Դեռևս հայտնի չէ` կապվա՞ծ է արդյոք այդ քայլը հացատան տիրոջ քաղաքական կամ ձեռնարկատիրական գործունեության հետ: